მოქალაქეები მელიქიშვილის გამზირზე ღამის გათენებას აპირებენ - გზა კვლავ გადაკეტილია.
აქციის მონაწილეები 21 წლის მათე დევიძის დაპატიმრებას აპროტესტებენ, რომელიც სასამართლომ დამნაშავედ დღეს ცნო.
“დღეს აქ ვრჩებით და ვუთენებთ მათე დევიძეს” - აცხადებენ ახალგაზრდები.
აქტივისტი გიორგი ჟამერაშვილის განცხადებით, მათ აქციის მონაწილეები რუსთაველის გამზირიდანაც შეუერთდებიან.
"ღამეს ვათენებთ, ამიტომ მოუწოდებთ მეგობრებს, ოჯახის წევრებს, სხვა თანამებრძოლებს, მოვიდნენ და ერთად ძალიან ბევრმა გავათენოთ ღამე სინდისის პატიმრებისთვის", - განაცხადა გიორგი ჟამერაშვილმა.
შეგახსენებთ: პოლიციელზე თავდასხმაში ბრალდებული 21 წლის მათე დევიძე სასამართლომ დამნაშავედ ცნო. მოსამართლე ნინო გალუსტაშვილის გადაწყვეტილებით, დევიძეს 4 წლითა და 6 თვის ვადით თავისუფლების აღკვეთა მიესაჯა.