რუსეთის პრეზიდენტმა, ვლადიმერ პუტინმა ოკუპირებული აფხაზეთისა და სამხრეთ ოსეთის დე ფაქტო მოქალაქეებისთვის რუსეთის ფედერაციის მოქალაქეობის მინიჭების პროცედურები გაამარტივა.
ბრძანების მიხედვით, აფხაზეთსა და სამხრეთ ოსეთში მცხოვრებლებს რუსეთის მოქალაქეობის მისაღებად არ მოეთხოვებათ იმ პირობების დაცვა, რაც სხვებისთვის აუცილებელია - მათ შორის, მათთვის სავალდებულო არ იქნება რუსული ენისა და რუსეთის ისტორიის ცოდნის დადასტურება.
რუსეთის მოქალაქეობის მიღების მსურველებს, ამ მოთხოვნით განცხადების შეტანა შეეძლებათ ოკუპირებული აფხაზეთსა და სამხრეთ ოსეთში რუსეთის დიპლომატიურ წარმომადგენლობებში. იმ შემთხვევაში კი, თუ ისინი უკვე რუსეთში ცხოვრობენ, უნდა დაუკავშირდნენ რუსეთის საგარეო საქმეთა სამინისტროს შესაბამის ტერიტორიულ ერთეულებს.