3-4 მარტს საქართველოს სამუშაო ვიზიტით სომხეთის რესპუბლიკის პრემიერ-მინისტრი ნიკოლ ფაშინიანი ეწვევა. ინფორმაციას ამის შესახებ საქართველოს მთავრობის ადმინისტრაცია ავრცელებს.
მთავრობის ადმინისტრაციის ცნობით, ფაშინიანს ირაკლი კობახიძე უმასპინძლებს. დაგეგმილია პრემიერ-მინისტრების პირისპირ შეხვედრა, რის შემდეგაც გაიმართება საქართველო-სომხეთის ეკონომიკური თანამშრომლობის მთავრობათაშორისი კომისიის სხდომა.
კომისიის მუშაობას ორი ქვეყნის პრემიერ-მინისტრები თანათავმჯდომარეობენ. ვიზიტის ფარგლებში ირაკლი კობახიძე და ნიკოლ ფაშინიანი მედიისთვის ერთობლივ განცხადებებსაც გააკეთებენ.