რომელ საავტომობილო გზებზე მოიხსნა გადაადგილების შეზღუდვა?
- Details
- By ია გრიგალაშვილი
- Hits: 59
საქართველოს საერთაშორისო და შიდასახელმწიფოებრივი გზების ნაწილზე ინტენსიური თოვის გამო მოძრაობა იზღუდება ან იკრძალება, თუმცა დღის განმავლობაში გზებზე სხვადასხვა მიმართულებით, რამდენიმე მონაკვეთზე შეზღუდვები მოიხსნა. ინფორმაციას საავტომობილო გზების დეპარტამენტი ავრცელებს:
საჩხერე(სარეკი)-უზუნთა-შქმერი-ზუდალის გზა
შიდასახელმწიფოებრივი მნიშვნელობის საჩხერე(სარეკი)-უზუნთა-შქმერი-ზუდალის საავტომობილო გზაზე მსუბუქი ტრანსპორტის მოძრაობა აღდგენილია, ხოლო მისაბმელიანი და ნახევრად მისაბმელიანი ავტოტრანსპორტის გადაადგილება შეზღუდულია.
ნატახტარის სატრანსპორტო კვანძი-ბორითის სატრანსპორტო კვანძის მონაკვეთი
საერთაშორისო მნიშვნელობის თბილისი-სენაკი-ლესელიძის საავტომობილო გზის კმ28-კმ162 (ნატახტარის სატრანსპორტო კვანძი-ბორითის სატრანსპორტო კვანძი) მონაკვეთზე, მისაბმელიანი და ნახევრად მისაბმელიანი ავტოტრანსპორტის მოძრაობა აღდგენილია.
თიანეთი-ზარიძეები-ჟინვალის გზა
შიდასახელმწიფოებრივი მნიშვნელობის თიანეთი-ზარიძეები-ჟინვალის საავტომობილო გზაზე ყველა სახის ავტოტრანსპორტის მოძრაობა თავისუფალია.
